ШТО Е ИФ

Здраво,

Денес ќе се обидам во кратки црти да ви објаснам што всушност представува наизменичното постење- оригинално Intermitten Fasting кое ќе го скратам на ИФ или постење.

Станува збор на начин на исхрана со кој пред се го регулира времето во кое ќе се конзимура храна а храната кој ќе се зема во тој период е ставена на второ место т.е. вие сами си ја регулирате.

Photo by Christopher Jolly on Unsplash

Денот се дели на два дела- време на пост (fast) и време на гозба (feast). 

Во времето на пост не се конзумира храна, а дозволено е да се конзумираат одредени пијалоци.

Во времето на гозбата се конзумира храна во зависност од начинот на кој вие ќе изберете. 

Има повеќе типови на ИФ и истите се разликуваат генерално по времетраењето на постот.

16/8

Класичен и најприменуван тип на ИФ во моментот е методот 16/8. Станува збор за метод во кој се „пости“ 16 часа од денот а се јаде 8 часа во денот. Познат е и под име „8 часовна диета“. 

18/6

Режим на 18 часа пост и 6 часа јадење. Ова е понапредна варијанта на ИФ која освен бенефиции на намалување на тежина има многу поголеми бенефиции и за регенерација на телото. Имено после 16 часа пост во телото се активира еден механизам на само-обновување наречен „аутофагија“ при што телото ги рециклира старите оштетени клетки, и нивниот материјал активно го користи за создавање на нови клетки.

20/4

Шемата веќе ви е јасна, се јаде 4 часа се пости 20 часа. Оваа диета е позната како Warrior Diet или диета на борецот/ воинот како сакате. Овдека телото е сериозно во фаза на Кето и механизмот на „аутофагија“ е многу поинтензивен. 

OMAD

Ова е кратенка за „One Meal A Day“ што буквално значи „Еден Оброк На Денот“. Станува збор практично за пост кој трае скоро 24 часа и бенефициите се огромни како за тежината така и за обновата на организмот. Ова е еден од најпопуларните трендови на запад. 

2MAD

Скратено од 2 Meals A Day односно два оброка на ден. Ова практично се комбинира со било кој од предходните режими (16/8, 18/6 или 20/4). Тука се потенцира важноста на тоа да не се јадат грицки меѓу оброците, за телото да има можност инсулинот да го намали и во текот на периодот на јадење. 

ПОСТ СЕКОЈ ВТОР ДЕН

Ова е прилично екстремна варијаната на ИФ но и една од најефикасните. Имено станува збор за еден ден јадење 3 нормални оброци, и нареден ден пост. Некои експерти дозволуваат и до 500 калории оброк во денот на пост додека да се привикне организмот. Тука се јавува период на пост од околу 36 часа и бенефициите по здравјето и корекцијата на хормоните се најголеми во однос на предходните. Воедно појавата на ден со 3 оброци оневозможува успорување на метаболизмот. Но сепак оваа варијанта е и психолошки најтешка за примена.

Јас имам интензивна резистентност на инсулин и варијантата 16/8 не е доволна кај мене да предизвика значителна загуба на килограми. Затоа практикувам 18/6 и се стремам кон 20/4. 

За сите видови на пост ќе следуваат подеални објаснувања. 

Се читаме...