Skip to main content

МАНТРА

Здраво,
Повторно е доцна, повторно е ноќ по тежок ден (како што би рекле Битилсите). Во вакви вечери обично би испила ладно сладко кафе, или би изела половина чоколадо, или пак сладолед, или чипс и пиво... милион лоши начини на самосожалување. Факт е дека ни една од овие опции нема да направи да се почувствувам помалку уморно, ниту пак ќе направи утре денот да ми биде подобар. Утре пак ќе работам напорно, утревечер пак ќе барам утеха во храната. 
Како работи мозокот на зависникот... само една коцка ќе изедам, само денес, само уште една, утре ќе почнам од почеток, каква разлика ќе направи само еден ден, јас заслужувам да се почестам, премногу сум уморна за диета, зашто се измачувам ни оваа диета нема да успее... работи брбори убедува. Денес не се предавам, утре ќе биде нова борба.
If you have a strong enough why,
you can do any how!
Ако имаш доволно јако зошто, ќе можеш да постигнеш се. Затоа овој пат имам мантра која си ја повторувам секој пат кога чоколадна торта ќе ми продефилира пред носот. Мојата мантра е едноставна и лична. Таа е сржта на мојата цел. 
Кога ќе остарам, сакам на моите деца да сум им поддршка а не товар!
Тоа е се. Толку едноставно.
Поддршка не товар!


Сакам да сум жива да ги видам моите внуци! Сакам да сум здрава за да можам да се грижам за нив! Сакам да се сеќавам на се за да можам да ги учам и да им раскажувам!

Не сакам... нема ни да зборувам за тоа што не сакам. Зборовите се мисла, мислата е енергија а енергијата станува реалност. Сакам мојата реалност да станат работите кои ги сакам.

Која е вашата причина?
Која е вашата мантра?
Labels:

Comments

Post a Comment

Сите коментари се добредојдени.

Popular posts from this blog

РЕТИНАЛНА МИГРЕНА

Ретинална мигрена е симптом кој најчесто но не секогаш предходи на главоболка. Таа предизвикува привремено слепило или нарушувања во видот на едното око. Photo by Ion Fet on Unsplash Ретиналната мигрена и Миргената со аура се два подтипа на Окуларна мигрена. За разлика од Мигрената со аура кај која визуелните нарушувања се јавуваат кај двете очи, карактеристично за ретиналната мигрена е тоа што таа го зафаќа едното око. Исто така кај ретиналната мигрена симптомите доаѓаат од самото око а кај мигрената со аура од мозокот. Не постојат специјални третмани ниту за едниот ниту за другиот третман на мигрена и се третираат со вообичаени третмани за мигрена. Но кај ретиналната мигрена се препорачува да се посети офталмолог и да се исклучат други можни нарушувања кај очите. Повеќе информации на  https://americanmigrainefoundation.org/resource-library/retinal-migraine/
Post a Comment
Read more

ЛЕТНАТА ТОПЛИНА ТРИГЕР ЗА МИГРЕНА

 Летото е време за сонце, одмори и забава — но за оние кои страдаат од мигрена, топлината може да биде скриен тригер. Високите температури можат да предизвикаат дехидратација, ширење на крвните садови и нарушувања на спиењето, што сè води до зголемување на фреквенцијата и интензитетот на мигрените. Photo by Ethan Robertson on Unsplash Најчести тригери во лето: Дехидратација : Често се потценува, но е клучна. Мозокот е многу чувствителен на промени во хидратацијата. Прегревање : Престој на сонце премногу долго без ладење. Сјај од сонцето : Јаката светлина може да го стимулира мозокот прекумерно. Совети за да се изборите со топлината и мигрената: Останете внатре за време на најжешките часови (11:00-16:00). Пијте вода редовно — дури и пред да се почувствувате жедни. Носете очила за сонце и шешир со широк обод. Користете ладни облоги или марами за врат. Не дозволувајте летото да ви го наруши мирот. Неколку мали промени можат да направат голема разлика.
Post a Comment
Read more

КАКО МОЖЕ ДА ИМ ПОМОГНЕМЕ НА ДЕЦАТА СО МИГРЕНА

     Денеска би сакала да зборуваме за нашите најмали паталци, за децата со мигрена. Од почетните прашања при зачленување во групава знам дека многу од вас имаат деца со мигрена и тука сте најмногу заради нив. И мојот син како и јас има мигренозни напади. И јас од најрано детство имам мигренозни напади и затоа постојано сум заинтересирана за начини на кои можам да му помогнам.    Мигрената кај децата воопшто не е ретка и загрозува около 10% од децата во основно училиште и до 28% од адолесценти од средношколска возраст. Многу од децата нападите продолжуваат да ги имаат и откако ќе станат возрасни. И иако симптомите и манифестацијата на мигрената кај децата се различни сепак постојат многу начини на кои родителот може да им помогне и олесни.                                                    Photo by  ...
Post a Comment
Read more