Сега кога новата година е пред нас, особено по ваква тешка и исцрпувачка година зад нас, се замислуваме како да ја подобриме наредната година. И клише или не сега е време за Новогодишни резолуции. Минатата година Интервалното постење беше мојата резолуција и направи огромна разлика во мојот живот. Доколку оваа година размислувате да биде и вашата но имате сомнежи, оваа е пост за вас.
Постењето постои како пракса уште од древните времиња. Постои како пракса во повеќето распространети религии а, како мерка за подобрување на здравјето е споменувано уште од Хипокрит, таткото на медицината.
Сепак во последниот век нашиот однос кон храната се промени до тој степен што стана сосема нормално постојано да се јаде и да се грицка и потполно е незамисливо да се прескокне макар еден оброк а за спомнувањето на целодневен или повеќедневен пост веќе ќе добиете сериозни реакции од околината поткрепени од многу теории за како тоа е штетно по вашето здравје.
Па да ги разгледаме некои од тие типични реакции и тврдења:
ГО ЗАБАВУВА МЕТАБОЛИЗМОТ
Ова е најсериозниот пороблем кој веднаш се споменува од „искусните“ диеталци кои се наплашени од успорување на метаболизмот, кое секако ќе предизвика килажата да не се намалува, те дури да се зголемува. Тие резултатите од намален метаболиза ги имаат пошувствувано на своја кожа. Сите диети со калориски рестрикции резултираат со успорување на базалниот метаболизам до дури 30%.
Но за разлика од диетите со континуирано намалување на калорсикиот внес, со прецизни мерења е докажано дека метаболизмот всушност се забрзува при интервалното постење.
СОГОРУВА МУСКУЛНА МАСА
Со експериментални мерења е докажано дека телото во пост по првите 24 часа во кои ги троши залихите на гликоген, продолжува со оксидација на масти (масни залихи) а оксидацијата на протеините е дури намалена. Не е логично телото да скалдира масти како резервна енергија, а кога истата му е потребна да ги согорува протеините (мускулите). При постењето се зголемува HGG хормонот за раст па вежбањето во состојба на пост резултира со подобро формирање на мускулната маса. Затоа професионалните боди-билдери се едни од првите спортисти кои постот го прифатија како начи на подобрување на перформансите.
ПРЕДИЗВИКУВА ХИПОГЛИКЕМИЈА
Ова искрено беше и моја грижа на почетокот. Земајки предвид дека долги години имам мака со реактивна хипогликемија. Затоа во првите месеци кога почнав да го практикувам инервалното постење неколку пати одев на проверка на гликемијата по 16, 18 па дури и по 20 часа пост. Гликемијата секогаш ми беше во нормални граници од 4 до 6 (најчесто околу 5).
Гликемијата е регулирана во телото од многу механизми. За краткорочни постови резервите во црниот дроб се сосема доволни, но по 24 часа кога истите целосно ќе се исцрпат започнува процес на гликонеогенезе преку кој црниот дроб создава глукоза, а во телото се создаваат кетони кои стануваат главен извор на енергија. Кетоните имаат многу почист метаболизам од гликозата и телото дури ги претпочита. Повеќе за нив во засебен пост.
ПРЕДИЗВИКУВА ПРЕЈАДУВАЊЕ
Често се мисли дека по постот телото ќе биде толку гладно што во наредните оброци ќе се прејадува и ефектот ќе се поништи. Но всушност луѓето кои практикуваат интервално постење како ефект забележуваат намалување на апетитот по неколку консеквентни постови и континуирано намалување со продолжување на интервалит на пост.
ЛИШУВА ОД ЕСЕНЦИЈАЛНИ НУТРИЕНТИ
Но за кратки постови од неколку часа дефицитарност од микронутриенти воопшто не е проблем. Едноставно осигурајте се да јадете разновидна цела храна во периодот за јадење.
За подолги постови може да се појави недостаток на минералите па е препорачливо да се пијат електролити кои ќе содржат натриум и калиум. На пример домашна супа од коски со хималајска сол. Најдолгиот надгледуван пост досега траел 382 дена и е изведен единствено со суплемент со обични мултивитамини и вода.
Во периодот на пост може да дојде до намалување на есенцијалните амино-киселини и масни килелини но тоа е редуцирано со редукција на отпадните материи од организмот. Сепак од оваа причина постењето не се препорачува за деца, трудници и доилки на кои им е потребен континуиран пристап до ове есенцијални материи.
Постењето може да има неверојатни ефекти на вашето здравје. Доколку сеуште се сомневате истражете повеќе пред да се обидете. Youtube има одлични канали како со професионални лекари и нутриционисти, така и со луѓе кои се обиделе и успеале да го подобрат здравјето преку постење. Еве некои од нив:
Comments
Post a Comment
Сите коментари се добредојдени.