Почни пред да бидеш подготвен
Marie Forleo
Здраво,
Денеска е добар ден за нови почетоци. Ќе прашате зошто. Не е Понеделник, не е први во месецот и сигурно не е нова година- но сепак денес е ден за почеток затоа што денес е денес!
Јас почнав со моето ИФ патување нешто пред почетокот на оваа година. Ги изгледав сите можни видеа на dr. Jason Fung почнав да ја читам неговата книга и преку ноќ решив дека сум спремна за повеќедневен пост.
Таа вечер неможев да спијам од ентузијазам. Утрото станав полна со енергија, си направив кафе и долг список со работи со кои ќе си го одвлекувам вниманието во текот на денот. Сепак се што е потребно е силна волја нели? Се разбира дека не! Ние сме физички суштества водени од хормони. Хормоните решаваат кога и колку ќе сме гладни, и тие решаваат кои се границите на нашата волја. Кај мене тоа беше веќе во 14 часот кога решив дека е време за појадок.
Утредента се разбудив попаметна. Решив да не се откажувам и да продолжам полека, постепено, персонализирано, проучено, и со пријатели.
Photo by Danielle MacInnes on Unsplash
ПОЛЕКА
Без разлика на тоа кој режим на ИФ ќе изберете на вашето тело ќе му треба одредено време да се адаптира на новиот режим. Доколку се обидете одеднаш да постите по 24 часа и повеќе тоа ќе биде голем шок и физички и ментално. Пробано на своја кожа.
ПОСТЕПЕНО
Најдобро е да започнете со постењето постепено. Доколку јадете неколку оброци на ден а меѓу нив по неколку ужини, тогаш обидете се првин да се сведете на 3 оброци без ужина и грицки. На тој начин ќе дојдете до 12/12 режим.
Потоа обидете се појадокот да биде што е можно покасно. Постепено зголемувајте го времето помеѓу вечерата и појадокот по еден час неделно додека не стигнете до 16/8 кога всушност појадок станува ран ручек и вие всушност сте на два оброка на ден.
На истиот начин може да стигнете и до еден оброк на ден или пак до повеќедневни пости.
Photo by Jukan Tateisi on Unsplash
ПЕРСОНАЛИЗИРАЈ
Ова не е диета, ова е животен стил. Мора комплетно да се вклопи во вашиот распоред. Размислете како изгледа еден ваш ден. Што за вас е најбитно.
Дали појадувате со семејството пред работа? Во тој случај обидете се да се откажете од вечерта.
Дали пак вечерта ви е заеднички оброк? Тогаш стремете се кон отфрлување на појадокот.
Како и да е нека функционира за вас. Обидете се да не се споредувате со другите.
ПРОУЧИ
Јас секој ден слушам барем по едѕнп видео или подкаст на темата. Понекогаш професионални анализи од страна на доктори или нутриционисти, понекогаш сведоштва од луѓето кои веќе ги достигнале своите цели. Ова многу ме мотивира но и постојано учам по нешто ново и ги коригирам моите рутини.
ПРИЈАТЕЛ
Зарем е потребно било што да се каже на оваа тема. Се е полесно со пријател. Кога има некој со кој меѓусебно ќе се бодриш и на кој ќе му даваш секојдневно отчет за напредокот мотивацијата е поголема и целта е поблиску.
ПРОГРЕС НЕ ПЕРФЕКЦИЈА
И конечно не бидете перфекционисти. Никогаш нема да дојде вистинскиот ден. Нема да имате совршена недела. Ќе се случат непредвидени настани. Ќе наидете на животни препреки. Само продолжете понатаму. Тоа скришно колаче не е причина за да се откажете.
Каков беше вашиот почеток? Имате ли некој интересен совет кој не го споменав? Пишете подолу во коментарите.
Се читаме...
Comments
Post a Comment
Сите коментари се добредојдени.