Празниците се период за веселби, дружби, гозби и возбуди. А за нас тоа значи и стрес, изместен распоред на спиење, неправилна исхрана, алкохол и затоа неизбежни напади на мигрена.
Денес ќе споделам неколку совети за како де ги пребродиме празничните денови побезболно.
- Стрес- планирајте однапред за да го намалите стресот. Купете подароци навреме, избегнувајте ги гужвите во моловите и продавниците. Практикувајте вежби за дишење за да го намалите стресот. Направете листа со музика за медитација и смирување. Посветете си неколку мига само за вас секој ден.
- Алкохол- за многумина од нас алкохолот е голем тригер. Затоа знајте точно колку и што можете да испиете и дали воопшто можете да толерирајте алкохол. Знајте ги своите граници и не ги надминувајте, дури и ако почувствувате притисок од околината. Затоа е добро да празнувате со луѓето кои ве разбираат и се грижат за вас. Обидете се да го прескокнете црвеното вино, кое е еден од најчестите тригери.
- Храна- јадете умерено и редовно. Ограничете внес на сирења, процесирано месо, чоколада и кофеин.
- Сон- обидете се да се да го задржите ритамот на спиење. Планирајте ги средбите порано во денот доколку е можно. Недостаток од сон, но и изместен циклус на спиење е честа причина за мигренозни напади.
- Светла- јако светло и и трепкање од светулки може да предизвика напад. Затоа изберете украси со топло статичко светло.
- Миризби- јаките миризби се предизвик за повеќето од нас. Затоа избегнувајте миризливи свеќи, спрејови и украси. Изберете природни миризби од зачини и овошје.
- СОС- припремете сет за итни случаи кој ќе го носите со вас каде и да отидете. Сетот може да содржи лек за блага болка, лек за јака болка, лек за смирување, лек против гадење етерични масла за вдишување или било која комбинација која ви помага. Доколку планирате да патувате подолго во автомобилот во секое време носете и вода.
- Вода- хидрирајте се редовно и доволно!
Повеќе прочитајте на:
https://americanmigrainefoundation.org/resource-library/how-do-you-survive-the-holidays/
https://migrainetrust.org/news/tips-to-manage-your-migraine-this-holiday-season/
https://www.self.com/story/migraine-holiday-tips
Среќни и безболни празници!
Comments
Post a Comment
Сите коментари се добредојдени.